كتبت / منة الخياط
الوراثة المعروف عنها انها ممكن تكون صفات او شكل لون شعر و بشرة أو حتي أمراض قولون عصبي أو صداع نصفي و غيرهم كتير………..
في نوع مختلف من الوراثة و هي وراثة الأمراض النفسية (الوراثة اللاجينية)!؟
بجد ازاي يعني!؟
بكل بساطة في علماء ( برايان دياس و كيري ريسلر)
عملوا تجربة علي الفئران ازاي؟
جمعوا شوية ذكور فئران في غرفة صغيره و نشروا مادة (الأسيتوفينون) و دى مادة كيميائية ليها رائحة قوية قريبة من الكريز و اللوز و مع كل مرة تشم فيها الفئران الرائحة بيتم تعرضها لكهرباء خفيفة و بعد فترة من التجربة المستمرة بيحصل عندهم ربط بين رائحة ماده (الأسيتوفينون) و الكهرباء و بمجرد شم الرائحة تحس بالخوف و الفزع علي الرغم من عدم وجود كهرباء اصلا!!
و هنا قرروا انهم عايزين يعرفوا تأثير التجربة علي اولاد الفئران (الجيل الأول) و هنا المفاجأة!!
ان الفئران الصغيرة بمجرد ما بشم الرائحة بتخاف و بتتفزع والغريب علي الرغم انهم متعرضوش للكهرباء قبل كدا اصلا!! و بيحصل نفس الوضع مع الاحفاد (الجيل التالت) و يستمر الوضع مع بقيت الاجيال …
هنا بنكتشف ان (DNA) الحمض النووي مش بيتغير و التغير اللي حصل كان في الجينات!!
جين الحمض النووي (FKBP5) المسؤول عن إنتاج بروتين معين يتحكم في حساسية الخلايا و بسببه أجيال فئران التجربة اكتر حساسية من الفئران العادية.
لو قررنا نطبق دا علينا هنكتشف حاجة غريبة!!
تأثير الاهل علي الوراثة اللاجينية :
الاباء و الأمهات ليهم دور كبير في وراثة الأمراض النفسية من زمان جدا و معظمنا دلوقتي بيتولد و عنده جينات القلق و الاكتئاب و غيرهم كتير…
الجينات دي مستنية اللي ينشطها او يمحيها.. وهنا الاب و الام هنا عندهم طريقين للتعامل مع أولادهم…
اختار طريقك :
1- طريقة غير تربوية و قسوة و جفاف عاطفي نفس تعامل أهلهم معاهم و الطفل يعمل كدا مع أولاده بنسبة اكتر و يستمر الوضع
2- طريق تاني الاب و الام يقرروا انهم يوقفوا الاذي عندهم و يغيروا معاملتهم علي الرغم ألاذي اللي اتعرضوا ليه…
بالحب و الاهتمام و التعامل التربوي المتوازن مع الأطفال و ده يخلق طفل سوي و متوازن نفسيا…
انت المسؤول؟
أختار انت هتورث ايه لأولادك دي مسؤوليتك الأذي ممكن يقف عندك و ده هيأثر علي الف جيل بعدك متكملش في الأذي حتي لو انت اتأذيت.
الأذي نقدر نوقفه حتي لو في الجينات جيل واحد سوي و متوازن نفسيا احسن من الف جيل مؤذي.