من يصنع التريند
بقلم / نورين إسلام
بقينا بنختار نهتم بأيه ولا بقينا بنمشي ورا اللي السوشيال ميديا بتفرضه علينا ؟
أي حاجه ممكن تتحول لتنرد ؟
بنصدق كل اللي بنشوفو ؟
هل الترند ممكن يشتتنا عن الاهم ؟
بقينا بنختار نهتم بإيه، ولا بقينا بنمشي ورا اللي السوشيال ميديا بتفرضه علينا ؟
—> كل يوم بنصحى على ترند جديد،فيديو منتشر، وخبر الناس كلها بتتكلم عنه نفتح الموبايل، نتفرج، وندخل نقرا التعليقات، وبعد ساعات يظهر ترند تاني فننسى اللي قبله ونبدا نتكلم عن الجديد لكن عمرنا فكرنا قبل كده احنا فعلا مهتمين بالحاجات دي ولا بقينا نهتم بيها لمجرد ان كل الناس بتتكلم عنها ؟؟
السوشيال ميديا بقت جزء أساسي في يومنا وتأثيرها مبقاش على التواصل ومتابعة الاخبار بس لكن وصل لطريقة تفكيرنا واهتماماتنا بقينا ساعات نحس ان لازم نعرف كل حاجة بتحصل ونتابع كل ترند وكأننا لو معملناش كده هنكون بعيد عن العالم فعليا.
أي حاجه ممكن تتحول لتنرد !!
—> دلوقتي موقف عادي ممكن يتحول لقضية تشغل العديد من الناس في ثواني خناقة في الشارع او شخص حصل له موقف محرج او فيديو لسه محدش عارف قصته كاملة وفجأة نلاقيه منتشر في كل مكان من غير محد يعرف حقيقه القصه اصلا ف نصور وننشر ونعلق واوقات نقلل من الشخص ونحكم عليه من غير ما نعرف الحقيقة كامله بقينا كأننا مستنيين اي حد يغلط عشان نمسك في غلطته ونحولها لترند وكأن حياة الناس بقت طريقه لتحقيق المشاهدات والشهرة لكن اللي بننساه ان الفيديو اللي بنشوفه لثواني ممكن يكون جزء صغير من قصة اكبر وان مشاركة واحدة ممكن تأثر على سمعة شخص وحياته !!
بنصدق كل اللي بنشوفه ؟
—> من اخطر المشاكل اننا ساعات بنصدق اي خبر اوي فيديو لمجرد انه انتشر من غير ما نتأكد من مصدره ممكن الناس تهاجم شخص وتحكم عليه وبعد ما الموضوع يكبر نكتشف ان الفيديو متاخد من رأيه هو أو ان المعلومات اللي اتنشرت معاه مش صح وحتى لو الحقيقة ظهرت بعد كده مش شرط التصحيح يوصل لكل الناس اللي شافت المعلومة الغلط وهنا لازم نسأل نفسنا—>هل انتشار الخبر معناه انه حقيقي ؟ وهل كثر التعليقات والمشاركات كفاية عشان نصدق اي حاجه عنينا بتشوفها و بتقراها ؟
هل الترند ممكن يشتتنا عن الأهم ؟
—> الموضوع مش بس في الوقت اللي بنضيعه في متابعة الترندات ولكن كمان في تأثيرها على أولوياتنا ساعات بننشغل بخناقة أو فيديو مثير للجدل لايام وفي المقابل قضايا أهم تخص المجتمع والتعليم والشباب وغيرها مش بتاخد نفس الاهتمام ومع الوقت بقى ممكن استخدام السوشيال ميديا للتأثير على اراء الناس وتوجيه اهتمامهم لموضوعات معينة على حساب قضايا تانية اهم وده بيخلينا نساىل هل احنا فعلا اللي بنختار نهتم بايه؟ولا المحتوى اللي بيظهر قدامنا هو اللي بيوجه اهتمامنا ؟ وهل فكرنا قبل كده في سبب انتشار موضوع معين ومين ممكن يستفيد من انتشاره ؟وده مش معناه ان كل ترند هدفه تشتيتنا او ان فيه جهة واحدة بتتحكم في كل اللي بنشوفه لكن المهم اننا نعرف نفرق بين الحقائق الصح و الحاجات اللي لسه محتاجة دليل ومنصدقش أو نشارك أي محتوى من غير ما نفكر فيه
واحنا دورنا ايه ؟
—> الحقيقة اننا مش مجرد متفرجين احنا كمان جزء من صناعة الترند كل مرة بنشارك فيديو من غير ما نتأكد منه او نحكم على شخص من غير ما نعرف القصة كاملة بنساعد المحتوى ده يوصل لناس اكتر
وده كمان بيخلي دور الاعلام مهم لان مش كل موضوع منتشر يستحق انه يتنقل زي ما هو لكن الأهم هو التحقق من المعلومات وتوضيح الحقيقة وتقديم صورة كاملة للناس في النهاية احنا مش محتاجين نبطل نستخدم السوشيال ميديا لكن محتاجين نستخدمها بوعي اكتر قبل ما نشارك خبر نتأكد من مصدره وقبل ما نحكم على حد نعرف الحقيقة وقبل ما نجري ورا ترند جديد نسأل نفسنا هل كان فعلا يستحق كل الاهتمام ده ؟
يمكن مش بإيدينا نمنع كل ترند من الانتشار لكن بإيدينا نختار نشارك في ايه ونصدق ايه وندي وقتنا واهتمامنا لمين!فهل احنا اللي بنختار نركز على ايه ولا بقينا بنسيب الترند يختار لنا ؟